Gjykata vendosi sot të lërë në burg amerikane, Andrea Grace Bailey-Key, e cila akuzohet se ka dhunuar dy fëmijët e birësuar në Shqipëri.
47-vjeçarja u ndalua nga policia pasi dy nga fëmijët e kanë akuzuar se ushtronte dhunë fizike e psikologjike ndaj tyre.
Dhuna u zbulua pasi policia arriti të gjejë dy fëmijët të cilët u larguan nga shtëpia një javë më parë. Fëmijët e moshës 14 dhe 17 vjeç i thanë policisë se nuk duan të kthehen në shtëpi pasi nëna i rrihte.
Përveç dëshmisë së minorenëve, Prokuroria ka konstatuar në trupat e tyre shenja dhune në pjesët e këmbëve, të cilat dyshohet se janë krijuar nga goditjet me rrip.
Gruaja amerikane u la në burg edhe pse mohoi akuzat, ndërsa fëmijët janë strehuar në qendër sociale.
