Dorëzohet në policinë e Vlorës shtetasi nga Kosova, Haki Bajrami pasi dhunoi ish-vjehrrën, djalin 14 vjeçar të ish-partneres dhe më pas i vuri flakën shtëpisë së tyre.
Një tjetër version i ngjarjes së Llakatundit është zbardhur nga deklarata e Bajramit, i cili thotë se e gjithë djegia e shtëpisë është e stisur nga ish vjehrra e tij.
Ai ka dëshmuar para mediave duke treguar se si ka ndodhur ngjarja, ku sipas tij zanafilla e ndarjes mes tyre erdhi pas një udhëtimi të çiftit në Greqi. Sjella e ish-gruas ndryshoi katërcipërisht dhe u nda me të për t’u celebruar në Gjermani.
Bajrami ndër të tjera thekson se miqtë e tij nga Kosova të arrestuar s’kanë lidhjen me ngjarjen.
“Ato i kanë bërë ato vetë. Kur kam shkuar, shkova të marr gruan time, nuk shkova të bëj sherr. Shkova të marr gruan isha me djalin tim me makinë. Shkova te porta. Isha së bashkë me mikun tim Gëzimin. Kur u afrova afër vjehrra ishte sikur ishte e vdekur.
Ndërkohë Gëzimi po bënte muhabet me djalin e gruas, unë atë e kam rritur vetë. Ai vjen me ne dhe kemi dalë jashtë shtëpisë dhe jemi nisur për Kosovë. Të gjitha janë gënjeshtra të tyre. Çfarë flake? Ne kemi qenë në kufi, kur morëm vesh lajmin për arrestimin e Gëzimit. Plaka e ka stisur vetë, dhe nuk kishte kush ta bënte.
Sot do të dorëzohem dhe do shohim çfarë do bëhet. As Durimi as Gëzimi nuk ka të bëjnë fare me ngjarjen. Gruaja ka jetuar me mua 6 vite në Kosovë, me të gjitha kushtet. Ajo iku në Greqi për shka të një problemi shëndetësor që kishte, të gjitha ja pagova unë. Në fakt ajo iku andej të gjente burrë. Kur u kthye më 8 mars, ajo më tha do ikim për Shqipëri, të rregullojmë pasaportat. Dhe kemi ardhur më 8 mars në mesnatë. Dhe kur u kthyem, ajo më thotë ti do ikësh për Kosovë. Kështu më tha, ti do ikësh në Kosovë, unë nuk do vij.
Më pas unë shkova të pija kafe me kushërirën e saj dhe djalin që kemi bashkë. Kur kthehem ajo kishte shkuar në polici me pretendimin se i mora çunin. Ata më denoncuan dhe më bën fletë arrest Shqipërinë. Tashmë, gruaja jeton në Gjermani sepse është martuar. Ndërsa unë u ktheva shkova në Kosovë.Ajo ishte 4-mujshe shtatzënë dhe e flaku në plehra, bëri abort se do martohej”, rrëfeu ai./Opinion.al
