Një 29-vjeçar është vënë në pranga në Fier pasi ka kundërshtuar dhe ka dhunuar punonjësin e policisë.
Policia bën me dije se është arrestuar në flagrancë 29-vjeçari me inicialet J. M.
I riu në lagjen “Kastrioti” Fier ka ushtruar dhunë fizike ndaj punonjësit të Policisë së rendit publik gjatë kryerjes së detyrës.
“Nga Oficeri i Policisë Gjyqësore pranë Prokurorisë së Rrethit Gjyqësor Fier, u arrestua në flagrancë shtetasi J. M., 29 vjeç, banues në Mërtish, Divjakë, pasi në lagjen “Kastrioti” Fier ka kundërshtuar duke ushtruar dhunë fizike, punonjësit e Policisë së rendit publik gjatë kryerjes së detyrës”, njofton policia.
