Djali i politikanit serb në Kosovë, Nenad Rashiç, është dhunuar dje nga rreth 30 persona, teksa po dilte nga shkolla në Llapnasellë të Graçanicës.
Autoritetet kosovare bëjnë me dije se si pasojë e ngjarjes, djali i politikanit ka pësuar lëndime në trup dhe është dërguar në spital për të marrë trajtim mjekësor.
Ndërkohë policia njofton se deri më tani janë arrestuar 7 persona.
“Shkolla “Miladin Mitic”, 22.02.2021 – 10:30. Raportohet se ka ndodhur një rrahje masive në oborrin e shkollës, ku janë të përfshirë nxënësit e shkollës dhe disa persona të tjerë. Si pasojë e rrahjes, viktima mashkull kosovar ka pësuar lëndime trupore dhe është dërguar për tretman mjekësor në Spitalin e Graqanicës. Janë arrestuar shtatë të dyshuar meshkuj kosovarë dhe me vendim të prokurorit të njëjti janë dërguar në mbajtje”, thuhet në raport./Opinion.al
