Një fëmijë 18 muajsh është dhunuar në një çerdhe private në lagjen nr 8 të Durrësit.
Ka qenë gjyshja e fëmijës e cila ka denoncuar në polici pronarin e çerdhes private Kënaqësia” Gëzim Dervishi 61 vjeç. Sipas gjyshes fëmija ka shenja dhune në trup, të cilat janë shkaktuar nga goditjet.
Ndërkohë, pronari i çerdhes, ka dhënë versionin e tij për këtë ngjarje. Ai e mohon të ketë ushtruar dhunë ndaj foshnjës dhe megjithatë ka pushuar nga puna 3 edukatoret që kishte të punësuara.
Ai sqaron se fëmija kishte 3 ditë që ishte sistemuar në çerdhen e tij. Ngjarja ka ndodhur të premten e kaluar sqaron Dervishi, ndërsa denoncimi është bërë 3 ditë të shkuara. Dervishi tha për mediat se nëse gjykata vërteton se e ka dhunuar ai fëmijën, të dënohet me 20 vite burg.
“Policia më ka thirrur në këtë ngjarje. Ju ftova juve se jam qytetar i thjesht. S’kam frikë fare. Mund t’ju them të gjithëve ikni. Edukatoren e kam përjashtuar nga puna. Ajo nuk e ka pranuar dhe më tha; me ke hyrë në hak kot. Nëna e fëmijës ka denoncuar në polici. Unë fëmijën e saj e kam tërhequr prej krahu dhe i kam thënë; merre se qan. Ajo ka shkuar në polici, le ta gjykojë gjykata. Nëse unë e kam dhunuar, le të më dënojnë 20 vite burg që t’i bëjë qefin asaj. Unë fëmijës si kam parë shenja dhune. S’kam parë as fotografi. E kam besuar që u dhunuar nga fjalët e nënës. Ushtroj ketë aktivitet prej 13-14 vitesh. S’kam pasur kurrë probleme. Fëmijët kanë firmosur e deklaruar se duan të vijnë në kopsht. Nuk është e vërtetë që kam dashur ta korruptoj. Më tha nëna që; do shkoj që ta çoj vajzën të hënën tek privati që t’i bëj grafi. Dhe unë i thash; meqë është privat, na 50 mijë lekë e bëja nga unë vajzës, për t’i hequr shpenzimet mjekësore. Por nuk i mori”,– tha ai.
Ndërkohë, gjyshja e fëmijës thotë se dyshojnë që njëra prej edukatorëve të ketë ushtruar dhunë ndaj mbesës së vogël. Ajo ka theksuar se ka lënë në dorë organeve të drejtësisë që të zbardhin ngjarjen./ Opinion.al
