Drejtori i OSHEE-së në Lezhë Edmir Përndreca është dhunuar nga persona ende të paidentifikuar.
Sipas policisë, Përndreca ka qenë duke lëvizur me makinë në momentin kur është goditur nga një mjet nga mbrapa.
Ai ka zbritur nga makina për të parë nëse mjeti kishte marrë dëmtime. Në momentin që Përndreca ka dalë nga makina, kanë zbritur edhe personat që ndodheshin në makinën tjetër dhe e kanë dhunuar fizikisht.
Pas dhunës Përndreca ka pësuar dëmtime të rënda dhe për pasojë është nisur me urgjencë drejt Traumës në Tiranë.
Policia po punon për identifikimin e autorëve dhe arrestimin e tyre./ Opinion.al
