Pronari i “Zjarr tv” Ismet Drishti, ka publikuar në “Facebook” një video ku tregohen zyrat e këtij televizioni të cilat janë të thyera dhe të dhunuara. Drishti nuk ka dhënë shumë detaje në lidhje me këtë ngjarje, duke publikuar vetëm pamje filmike, me shkrimin “Dhunohet gjatë natës Zjarr Televizion. Policia në vendin e ngjarjes”.
Nuk dihen ende detaje nga kjo ngjarje, ndërsa policia nga ana tjetër nuk ka nisur një njoftim zyrtar në lidhje me dhunimin e këtyre zyrave. Në një status pasardhës, Drishti falënderon të gjithë njerëzit që u solidarizuan me këtë ngjarje të rëndë.
