Ministri i Brendshëm Taulant Balla ka reaguar në lidhje me ngjarjen në Mal të Zi, ku tre shtetas shqiptarë janë dhunuar në mënyre brutale nga disa persona.
Balla ka falenderuar kryeministrin e Malit të Zi Milojoko Spajic, i cili reagoi për rastin e dhunës ndaj tre shqiptarëve sot në Mal të Zi.
Më herët ministri Balla zhvilloi një bisedë telefonike me ministrin e Brendshëm të Malit të Zi, Danilo Šaranović, pas ngjarjes së ndodhur në zonën e Herceg Novit, ku tre shtetas shqiptarë janë dhunuar nga tetë persona të veshur me uniforma ushtarake.
“I jam shumë mirënjohës reagimit të menjëhershëm të autoriteteve dhe Policisë së Shtetit të Malit të Zi për dhunimin e tre të rinjve shqiptarë sot në Herceg Novi. Një hetim i plotë po vijon dhe personat e kësaj vepre do të mbajnë përgjegjësi”– shkruan Balla.
