Një 72-vjeçar me inicialet P. V., është arrestuar, pasi brenda ambienteve të Gjykatës së Shkallës së Parë të Juridiksionit të Përgjithshëm Shkodër, ka ushtruar dhunë psikologjike ndaj kunatës së tij.
Policia bën me dije se ata ishin në proces gjyqësor për caktimin e urdhrit të mbrojtjes nga 72-vjeçari P. V., në favor të 59-vjeçares, pasi ky shtetas kishte ushtruar dhunë psikologjike dhe më parë, ndaj kunatës së tij.
“Specialistët e Seksionit për Hetimin e Krimeve të DVP Shkodër arrestuan 72-vjeçarin P. V., banues në fshatin Grudë e Re, Shkodër, pasi në ambientet e Gjykatës së Shkallës së Parë të Juridiksionit të Përgjithshëm Shkodër, ka ushtruar dhunë psikologjike ndaj kunatës së tij, 59-vjeçares R. V., banuese në të njëjtin fshat.
Ata ishin në proces gjyqësor për caktimin e urdhrit të mbrojtjes nga 72-vjeçari P. V., në favor të 59-vjeçares, pasi ky shtetas kishte ushtruar dhunë psikologjike dhe më parë, ndaj kunatës së tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”-njofton policia.
