Policia në Divjakë ka arrestuar ditën e sotme 30-vjeçarin A.Dh., pasi dyshohet se ka dhunuar psikologjikisht prindërit e tij dhe më pas ka qëlluar në ajër me armën e gjahut të cilën e kishte pa leje.
Sipas uniformave blu 30-vjeçari i ka dhunuar prindërit e tij për motive të dobëta.
“Specialistët për Hetimin e Krimeve të Komisariatit të Policisë Divjakë vunë në pranga shtetasin A. Dh., 30 vjeç, banues në Divjakë, pasi dyshohet se për motive të dobëta, ka dhunuar psikologjikisht, prindërit e tij, si dhe ka qëlluar në ajër, me armën e gjahut që e posedonte pa leje”, tha policia në një njoftim për mediat.
