Jelekverdhët vazhdojnë për të 23-ën javë protestën e tyre në Paris, e cila u përfshi nga dhuna, zjarri dhe kaos.
Mbi 6 mijë persona u mblodhn në kryeqytetin e Francës për të protestuar kundër taksës dhe për kosto më të ulët të jetesës..
Protestuesit u përplasën me policinë duke qëlluar me gurë në drejtim të tyre dhe duke djegur motorë e objekte të ndryshme.
Policia ndërhyri duke e shpërndarë turmën përmes ujit, granatave tymuese dhe gazit lotsjellës, dhe duke arrestuan të paktën 137 persona për aktet vandale dhe kundërshtimin me dhunë të policisë.
Në fundjavë, disa nga protestuesit në Paris mbajtën edhe një qëndrim për zjarrin katastrofik që rrënoi në fillim të javës katedralen simbol të Notre Dam-it të Parisit.
Me pankartat me mbishkrimin “Po ne të varfrit”, jelekverdhët u shprehën të zhgënjyer që lëvizja e tyre me karakter ekonomik që nisi gjashtë muaj më parë nuk ka marrë të njëjtin solidaritet./ Opinion.al E.Xh.
