Dhunë dhe racizëm ndaj ekipit të Shkëndijës në sfidën e ndezur me Vardarin e zhvilluar të dielën në Shkup. Përballja mes dy ekipeve të kreut përfundoi në barazim 1 – 1 me tifozët vendas të cilët shfrynë drejt tribunës ku ndodheshin drejtues të skuadrës tetovare, duke u përpjekur t’i dhunonin ata. Thirrjet anti-shqiptare u dëgjuan në stadiumin “Filipi i Dytë”.
Përshkallëzimi i situatës u shmang me ndërhyrjen e forcave të sigurisë. Kjo ngjarje u dënua nga klubi vendas, por duke kujtuar se edhe ata janë poshtëruar në Çair dhe Kumanovë.
Vardari në një komunikatë kërkon që të gjithë të tregojnë qetësinë e duhur dhe situata të tilla të mos përsëriten. Ngjarja të tilla duhen shmangur për më tepër që Shqipëria është në të njëjtin grup me Maqedoninë në kualifikueset e Kupës së Botës 2018.
