Një situatë e nderë është përsëritur edhe njëherë tjetër në stadiumet shqiptare të futbollit. Jo më larg se sot, ndeshja Kukësi-Partizani ka qenë një arenë e vërtetë lufte.
Gurë dhe mjete të forta janë hedhur nga jashtë stadiumit si dhe nga sektori i tifozerisë kuksiane për të goditur tifozët e Partizanit.
Mësohet se shumë prej tyre janë dëmtuar, ndërsa policia edhe pse e pranishme nuk ka preferuar të ndërhyjë që në minutat e para të degjenerimit të situatës.
Nga të njëjtat burime, është bërë me dije se në stadiumin e qytetit verilindor të Kukësit, për të parë ndeshjen mes dy skuadrave, ka qenë edhe një tifoz gjerman.
Pikërisht kjo gjendje skandaloze dhe mungesë totale kulture e sjelljes së një tifozerie jo vetëm ka tronditur sportdashësin e ardhur nga larg, por është dashur ndërhyrja e disa tifozëve të Partazinit për ta mbrojtur nga gurët dhe pjesët e tjera të forta të hedhura në drejtim të tyre.
