Ministri i Punëve të Brendshme të Maqedonisë flet për dhunën në parlament mbrëmjen e së enjtes. Në një intervistë telefonike për Ora News, ministri Agim Nuhiu tha se policia veproi me vonesë. Sipas tij drejtori i Byrosë për Sigurisë Publike Çafkov ka qenë në kyre të shtabit operativ dhe përgjegjësia institucionale do të jetë mbi të. Shefi i Rendit në Maqedoni është nga radhët e VMRO-DPMN të Gruevskit.
A ka një bilanc pas dhunës në parlament?
Agim Nuhiu: Ne si ministri e Brendshme po grumbullojmë të dhënat, kemi polic të lënduar, protestues dhe deputet që kanë marrë lëndime. Një deputet shqiptar është më i dëmtuar por jashtë rrezikut dhe lideri i LSDM, Zoran Zaev. Ne si ministri hartuam një plan operativ. Dua të ndaj opinionin se për fat të keq policia nuk ka reaguar në fillim të ekslaimit të situatës në mënyrë efikase dhe të shpejtë
A ka të arrestuar?
Agim Nuhiu: Kemi të ndaluar nga policia, jemi në komunikim me prokurorinë kemi marrë urdhëra dhe presim që policia ti arrestojë personat në fjalë.
Pse nuk u arrit ndërhyrja e menjëhershme për të mos lejuar protestuesit që të futeshin brenda në godinë?
Agim Nuhiu: Unë si ministër ndaj vlerësimin se policia nuk reagoi shpejt dhe të hershme, në strukturat e policisë ka njerëz që kanë qoftë edhe në zhinxhirin hierarkik të cilët kanë ndikime politike të grupeve të interesit politike dhe kjo ka ndikuar nga këto situata dhe nuk kanë vepruar në mënyrë të menjehershme. Me insistimin tim policia filloi të reagojë, kemi përdorur masat për evakuimin e deputetëve.
Mediat flasin për 4 të ndaluar, ju nuk dhatë asnjë shifer, por ne i kemi parë dhe ishin shumë më shumë?
Agim Nuhiu: Edhe unë ndaj të njëjtin mendim me ju. Është numër i vogël, por ne jemi në kontajt me prokurorinë, kemi siguruar urdhër arreste dhe presim ti arrestojmë.
A do të ketë deputetë të ndaluar?
Agim Nuhiu: Nuk mund të vlerësoj një gjë të tillë sepse deputetët nuk kanë marrë ndonjë veprim kundër ligjit.
Ndjeni përgjegjësi për këtë situatë?
Agim Nuhiu: Unë si zyrtar politik i kam marrë me kohë masat ligjore, kam insistuar që të themelohet një shtab operativ. Kemi plane të hartuara, por drejtori i Byrosë për Sigurisë Publike Çafkov ka qenë në kyre të shtabit operativ dhe përgjegjësia institucionale do të jetë mbi të, i cili vjen nga radhët e VMRO-DPMN e cila ka krijuar këtë krizë politike.
A ka protestues dhe çfarë do të ndodhë?
Agim Nuhiu: Brenda parlamentit nuk ka asnjë protestues, ka jashtë parlamentit që kanë vendosur çadra, por ne do të marrim masat e nevojshme.
*Video që tregojnë se policia maqedonase lejoi protestuesit të hyjnë në godinën e Parlamentit dhe të rrahin deputetët
