Dhuna është një fenomen i cili sa vjen e rritet në shoqërinë shqiptare. Dy raste të tjera janë raportuar ditën e sotme, një rast i ndodhur në Pogradec dhe një tjetër në Vlorë. Policia e Pogradecit ka arrestuar efektivin e policisë, Mirjan Korça, 41- vjeç, banues në Pogradec, pasi dyshohet se ka ushtruar dhunë fizike ndaj bashkëshortes së tij A. K, 39 vjeçe. Sipas policisë Mirjan Korça, punonjës i policisë në burgun e Drenovës kishte ushtruar dhunë ndaj bashkëshortës së tij pas një konflikti për motive të dobëta.
Ndërsa në Vlorë policia ka arrestuar 45- vjeçarin e e shpallur në kërkim, Armando Hoxha, pasi ky i fundit kishte ushtruar dhunë për motive të dobëta kundrejt djalit të tij me iniciale J.H., 19 -vjeç, duke i shkaktuar disa fraktura në trup dhe më pas është larguar nga banesa. Menjëherë Shërbimet e Policisë, i’u vunë në ndjekje dhe bënë të mundur kapjen e këtij personi në aksin rrugor të lagjes “1 Maji”. Gjatë hetimeve të kryera, rezultoi se ky shtetas, ishte person i shpallur në kërkim, i dënuar me 1 vit burg, për veprën penale “dhunë në familje”
