Policia ka regjistruar pesë raste dhune në Fier brenda 24 orëve.
Sipas uniformave blu bëhet me dije se në këto raste është ushtruar dhunë në familje, kryesisht ndaj nënave, bashkëshorteve apo kushërinjve.
Si pasojë mësohet se janë vënë në pranga tre shtetas dhe janë proceduar 2 të tjerë.
“Shërbimet e Komisariatit të Policisë Fier arrestuan në flagrancë shtetasin J. B., 35 vjeç, banues në Fier, pasi dyshohet se ka ushtruar dhunë ndaj nënës së tij;
-referuan materialet në Prokurori, ku nisi procedimi penal për shtetasin M. T., 76 vjeç, banues në Fier, pasi dyshohet ka ushtruar dhunë ndaj vëllait të tij.
Shërbimet e Komisariatit të Policisë Lushnjë: arrestuan në flagrancë shtetasin K. M., 66 vjeç, banues në Lushnjë, pasi dyshohet se ka kanosur ish-bashkëshorten e tij, e cila ishte e pajisur me urdhër mbrojtjeje. Ky shtetas u kap në flagrancë, duke drejtuar motomjetin, në gjendje të dehur;
-referuan materialet në Prokurori, ku nisi procedimi penal për shtetasin Sh. H., 43 vjeç, banues në fshatin Plug, pasi dyshohet se për motive të dobëta, ka dhunuar dhe ka kanosur një 62-vjeçar.
Shërbimet e Komisariatit të Policisë Mallakastër arrestuan në flagrancë shtetasin F. Xh., 53 vjeç, banues në fshatin Visokë, pasi dyshohet se ka ushtruar dhunë ndaj kushëririt të tij”, njofton policia.
