Një 24-vjeçar u arrestua nga policia në Tiranë, pasi kishte ushtruar dhunë ndaj një mjeku.
Lajmi u bë i ditur nga policia, ndërkohë që lidhur me ngjarjen ka reaguar zyrtarisht Drejtoria e Spitalit “Nënë Tereza”.
Sipas reagimit, bëhet e ditur se pacienti është rrëzuar nga krevati, dhe familjari i tij ka sulmuar mjekun, ndërsa ai ishte duke e ndihmuar.
“Sqarojmë se incidenti ka ndodhur pasi mjeku ka qënë duke ndihmuar një pacient të shtruar në Njësinë e Urgjencës së Sëmundjeve të Brendshme i cili kishte rënë nga krevati. Rezulton se familjari i pacientit ka sulmuar mjekun ndërkohë që ky i fundit ka qënë duke dhënë ndihmë tek pacienti. Pas kallzimit nga ana e mjekut, kjo çështje po ndiqet nga organet kompetente”, thuhet në reagimin e QSUNT, që njëkohësisht i bën apel opinionit publik të përkrahë bluzat e bardha gjatë punës së tyre./Opinion.al
