Policia ka dhënë informacion zyrtar lidhur me ngjarjen e ndodhur mbrëmjen e djeshme, ku u dhunua me sende të forta Kancelari i Gjykatës së Elbasanit, Ledio Sulkuqi.
Policia thotë se 51-vjeçari është goditur me sende të forta në kokë dhe ndodhet në Spitalin Rajonal Elbasan jashtë rrezikut për jetën. Autoritetet po punojnë për identifikimin dhe kapjen e autorëve.
“Më datë 10.04.2022, rreth orës 22:30, në lagjen “Aqif Pasha”, Elbasan, në rrethana ende të paqarta, është goditur me sende të forta në kokë shtetasi Ledio Sulkuqi, 51 vjeç, i cili ndodhet në Spitalin Rajonal Elbasan, nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes, identifikimin dhe kapjen e autorëve”, njofton policia./Opinion.al
