Menjëherë sapo është njoftuar për ngjarjen e ndodhur sot në fshatin Selcë të Pogradecit, drejtori i policisë së Qarkut Korçë, Ajet Zyberi ka pezulluar nga detyra dy efektivët meshkuj të patrullës së komisariatit Pogradecit, që janë konfliktuar me grupin e xhirimit të ‘News24’.
Një oficer policie, i cili pohoi se ishte në gjendje të dehur, tentoi t’i thyente kamerën operatorit, ndërsa gazetaren Lediona Xheladinaj e tërhoqi zvarrë dhe tentoi ta fuste me dhunë në automjet.
Tashmë ka nisur procedimi disiplinor ndaj tyre dhe drejtori urdhëroi ekzaminimin për gjendjen e policëve, nga ku rezultoi se të dy ishin të dehur.
“Testi ndaj dy policeve rezultoi mbi normen e konsumit te alkoolit”, thane burimet e policise, ndaj jane arrestuar ne flagrance.
Një video e publikuar nga televizioni “News24” tregon momentet kur një efektiv policie ka ndaluar grupin e këtij televizioni, gazetar dhe operator në fshatin Selcë të Pogradecit dhe i ka kërcënuar që të mos filmonin me arsyetimin se nuk ishte në gjendje të mirë. Ai pra ishte i dehur.
