“Në fillim të kampionatit u mor vendimi që policia nuk duhet të jetë në stadiume, u kopjua nga Anglia dhe Norvegjia por nuk besoj se Norvegjia dhe Anglia kanë nevojë për aq shumë polici në Parlament ku ka edhe gardë edhe polici dhe niveli i futbollit niveli intelektual prezupozohet që të jetë më pak se i parlamentit duhet të ruajë rendin vetë pa polici”.
Ishte kjo deklarata e Presidentit të FSHF, Armand Duka në lidhje me dhunën e fundit në stadium dhe përplasjen me policinë, duke bërë kështu krahasim të situatës në stadiume me atë të protestës së opozitës para parlamentit.
Teksa dënoi ashpër agresorët e arbitrit Hamiti, Duka kërkoi edhe nga organet e drejtësisë të veprojnë në të tilla ngjarje
“Organet e drejtësisë duhet të marrin masa. Në asnjë rast s’është penalizuar njeri. FSHF mund të marrë vetëm masa sportive”.
Duka nuk pranoi të deklarojë nëse do të pezullohet kampionati, por u shpreh i hapur për tu ulur në bisedime edhe një herë me drejtuesit e policisë./ Opinion.al
