Tre persona kanë rënë në kontakt me energjinë elektrike pasditen e sotme në Dhërmi.
Bëhet me dije se pronari dhe dy punonjës të një hoteli në Dhërmi, teksa ishin duke punuar me ndriçimin e jashtëm të hotelit aksidentalisht ranë në kontakt me energjinë elektrike rreth orës 17:25.
Sipas njoftimit të policisë, nga ky incident janë dëmtuar shtetasit A. M, E. H, dhe K. N.
Të tre janë transportuar për ndihmë mjekësore në spital, ku ndodhen nën kujdesin e mjekëve.
Grupi hetimor po punon për zbardhjen e plotë të rrethanave të ngjarjes.
