Një çift në Portugali ka bërë të gjithë të ftuarit të përloten gjatë ceremonisë së tyre të martesës. Jefferson dhe Jessica dashurinë e tyre të madhe po e kurorëzonin në martesë mes miqsh dhe të afërmish. Por teksa po kryenin betimet, dhëndri ndalon dasmën duke deklaruar se kishte një rrëfim për të bërë, dhe se zemra e tij i përkiste dikujt tjetër.
Të gjithë pjesëmarrësit mbetën të shokuar në fillim, por pasi dhëndri mori në altar vajzën 8-vjeçare të gruas së tij të gjithë shpërthyen në lot. Jessica ka qenë e martuar më parë dhe ka një vajzë nga kjo martesë. Jefferson është betuar në mes të gjithë të ftuarve se 8-vjeçaren do ta dojë dhe do ta mbrojë deri në fund të jetës, dhe se ndihet krenar që është babi i një vajze si ajo.
Sigurisht që gruaja e tij u emocionua pafund nga kjo deklaratë, ashtu si të gjithë të ftuarit.
