Aktualitet

Dha dorëheqjen, sekretarja e Përgjithshme e MB: Detyrën e kam bërë me profesionalizëm



Bëhu pjesë e Grupit Zyrtar të Opinion.al
>> KËTU <<
               Publikuar në : 15:26 - 15/09/22 |
Opi Nion

Sekretarja e Përgjithshme e Ministrisë së Brendshme Elena Pici pas lajmit se ka dhënë dorëheqjen, ka reaguar në rrjetin social “Facebook”.

Pici sqaron se ky vendim ka ardhur për të zhvilluar karrierën në sektorë të tjerë ndërsa shton se është krejtësisht një vendim personal dhe nuk përkon me asnjë ngjarje apo çështje tjetër.

Ndër të tjera Pici thotë se çdo spekulim dhe insinuatë që ngrihet, mund t’i shërbejë interesave të të tjerëve,  por jo të vërtetës.

“Pavarësisht se vlerësoj që emërimet apo lirimet e Sekretarëve të Përgjithshëm nuk duhet të përbëjnë lajm, për aq kohë sa ne jemi thjesht shërbyes publik në administratë, në kushtet e një raportimi të pavërtetë që po qarkullon në media, ndiej detyrën të sqaroj për pjesë të opinionin publik të interesuar se:

Unë kam pasur privilegjin të kem besimin e vazhdueshëm përgjatë dy viteve të Kryeministrit dhe Ministrit në kryerjen e një detyre të rëndësishme publike, atë të Sekretarit të Përgjithshëm të Ministrisë së Brendshme, detyrë të cilën (përkundrejt gjithë spekulimeve mediatike, në disa raste dashakeqe në momentin e emërim tim), ndiej se e kam kryer me përgjegjshmëri të plotë, me profesionalizëm dhe integritet dhe kurdoherë e mbeshtetur nga ekipi i Ministrisë së Brendshme.

Për këdo që do të besojë faktet dhe jo thashethemet, vendimmarrja për zhvillimin tim të karrierës në sektorë të tjerë është krejtësisht një vendim personal dhe nuk përkon me asnjë ngjarje apo çështje tjetër sikundër është raportuar në disa media. Çdo spekulim dhe insinuatë që ngrihet, mund t’i shërbejë interesave të të tjerëve,  por kurrsesi jo të vërtetës!”-shkruan Elena Pici.

 

Pas