Një 54-vjeçare shqiptar është dënuar me 8 vite për abuzim në familje, plagosje dhe sulm seksual nga Gjykata e Varese-s në Itali.
Sipas asaj që shkruajnë mediat, gruaja e të dënuarit, identiteti i të cilës nuk është bërë publik, denoncoi bashkëshortin edhe për marrjen e një sasie parash prej 2 mijë eurosh.
Marrëdhënia e dhunshme kishte nisur 3 ditë pas martesës në Shqipëri.
“Sepse kisha ndryshuar ngjyrën e thonjve”, ka thënë denoncuesja në gjykatë. Dhe kjo dhunë vazhdoi deri për Krishtlindje në vitin 2021. Asokohe ai dhunoi gruan sepse nuk kishte bërë blerjet siç duhet, nuk kishte marrë alkool, por edhe dy fëmijët.
Gruaja ka treguar se burri e detyronte që të bënin seks. Sipas saj ai mbante një thikë nën jastëk dhe këtë e përdorte për ta ndaluar gruan që t’i thoshte jo kërkesave të tij seksuale, të cilat kryheshin gjithmonë pas fyerjeve e dhunës fizike. Pala mbrojtëse e shqiptarit i mohoi akuzat, por ndryshe vendosi gjykata.
