Një 29-vjeçar, i shpallur në kërkim, është arrestuar nga policia në Krujë. Uniformat blu bëjnë me dije se Arbis Shima, rezulton të jetë i dënuar me 5 vjet burgim, pasi nxiti një vajzë për të përdorur lëndë narkotike, si dhe shiti në bashkëpunim me persona të tjerë, sasi të lëndëve narkotike.
Shima akuzohet për veprat penale “Prodhimi dhe shitja e narkotikëve” dhe “Nxitja për përdorimin e drogës”.
Arbis Shima iu dorëzua Drejtorisë së Përgjithshme të Burgjeve, për kryerjen e veprimeve të mëtejshme procedurale.
“Punë gjurmuese dhe operacionale, me mbështetjen e inteligjencës informative, për kapjen e shtetasve të shpallur në kërkim si autorë të veprave të ndryshme penale.
I dënuar me 5 vjet burgim, pasi në vitin 2020, nxiti një shtetase për të përdorur lëndë narkotike, si dhe sepse shiti në bashkëpunim me të tjerë, sasi të këtyre lëndëve, kapet në Krujë dhe ndalohet 29-vjeçari.
Shërbimet e Komisariatit të Policisë Krujë, të mbështetura nga inteligjenca informative, për vendndodhjen e një shtetasi të shpallur në kërkim, të dënuar nga Gjykata e Rrethit Gjyqësor Krujë, lokalizuan, kapën dhe vunë në pranga shtetasin:-Arbis Shima, 29 vjeç, banues në Krujë”-njofton policia.
