Për shkak të motit të keq është pezulluar lundrimi në portin e Vlorës. Opinion.al ka kontaktuar me Kapitenin e Përgjithshem të porteve në Shqiperi, Paulin Ndreu i cili dha disa detaje për masat e marra sot në port. Pasagjerët, tha ai, janë njoftuar nga agjencitë që të mos presin gjatë në terminal, pasi targetet mund të nisen gjatë pasdites.
“Aktualisht era po fryn me 22 metra për sekond, deti është 5-6 ballë në Vlorë dhe Sarandë”, tha Ndreu për Opinion.al
Janë pezulluar dy tragete të cilët ndodhen në radë. “Për fat të mirë nuk ka pasagjerë brenda për shkak se dje tragetet kanë qenë pushim”, tha me tej Ndreu. Ndërkohë edhe Greqia ka marrë masa për shkak të motit të keq, pasi edhe trageti i Korfuzit nuk ka mbërritur në Sarandë.
Ndreu thanë se gjatë pasdites do të nisen dy tragetet e Vlorës. Ndërkohë kushtet metereologjike janë te favorshme në Durrës, ku linjat e trageteve po punojnë normalisht./Opinion.al
vlore moti keq by revistaime
