Një kamera sigurie duket se ka mundur të regjistrojë makinën e hajdutëve të cilët grabitën Kim Kardashian.
Kamera ishte në dyqanin përballë hotelit dhe në orën 2:34 është parë një makinë e cila ecte ngadalë para hyrjes së hotelit ku po qëndronte Kim.
Ajo është parë sërish teksa sillej rrotull në orën 2:45 dhe 2:54, ndërkohë që në orën 2:56 është raportuar vjedhja e kryer në dhomën e saj.
Tashmë hidhen dyshime se makina që ka kaluar aty pranë mund të jetë automjeti që janë larguar grabitësit.
Policia është vënë në kërkim të këtij mjeti dhe gjithashtu janë duke kërkuar edhe pamjet të kamerave të tjera që ndodhen në dyqanet pranë hotelit.
