Detaje të reja kanë dalë në dritë në lidhje me ngjarjen e rëndë që ndodhi ditën e sotme në Bubq, ku një burrë vrau me thikë bashkëshorten e tij dhe tentoi të vetëvritej.
Bëhet me dije se ngjarja ndodhi në orën 10:45, në një magazinë në Bubq të Krujës.
Autori i dyshuar i krimit, 51-vjecari Artan Ismalaj, me profesion kameraman, teksa ishte në mjetin e tij tip “Ford” bashkë me gruan, Klaritën, 45 vjeçe, në rrethana ende të paqarta kanë hyrë brenda në magazinë.
Sipas policisë, çifti ka hyrë brenda territorit të objektit duke ndjekur një kamion, i cili është futur për të shkarkuar ushqim për lopët, pasi magazina është stalle lopësh.
Nga ana tjetër të paqarta janë motivet pasi policia e Krujës deklaron se nuk kanë asnjë dijeni sepse çifti prej vitesh jetonte në Tiranë. Mësohet se çifti në fjalë ka në pronësi të tyre një dyqan pranë fakultetit të Inxhinierisë.
Aktualisht 51-vjeçari ndodhet në spital, në gjendje të rëndë për jetën, pasi goditi disa herë me thikë edhe veten./Opinion.al
