Paratë e grabitura sot në Rinas janë të BKT-së thanë burimet, ndërsa po transportoheshin drejt Rinasit me një autoblind të kompanisë private të sigurisë “Security Jaguar”.
Katër persona të armatosur dhe me veshje kamuflazhi kanë përplasur autoblindës dhe pas aksidentit nën kërcënimin e armëve kanë grabitur thasët me para. Nga të dhënat paraprake dyshohet për 2 milionë euro. Autoblinda shoqërohej edhe nga një tjetër makinë sigurie e kompanisë private. Ata nuk kanë mundur të ndalojnë grabitësit, sicc shihet edhe në pamjet e xhiruara me celular në momentin e ngjarjes.
Disa minuta më pas dy makina të djegura janë gjetur pranë urës së Limuthit. Ato dyshohet se janë makinat e autorëve të cilët janë larguar me mjete të tjera për të mos u identifikuar.
Kjo grabitje është e ngjashme me atë të 3 dhjetor 2015, ku u përdor e njëjta skemë grabitje.
*Foto: Makinat e djegura të autorëve
