Një ngjarje e rëndë ka ndodhur këtë të diel në Tiranë. Një efektiv i FNSH ka humbur jetën pasi është qëlluar me armën e shërbimit nga djali i tij 7-vjeçar. Sipas raportimeve të para efektivi Roland Bicerri ka qenë duke luajtur bilardo, ndërsa fëmija ka marr armën dhe ka qëlluar aksidentalisht drejt tij. Janë marr kamerat e sigurisë dhe dëshmitë e personave të pranishëm, ndërsa mësohet se fëmija është në gjendje të rënduar psikologjike.
Informacion paraprak
Më datë 20.12.2020, rreth orës 13:25, në rrugën “Shyqyri Brari”, pranë Kopshtit Zoologjik, dyshohet se aksidentalisht nga djali i tij i mitur është plagosur punonjësi i policisë i FNSH-së, shtetasi R. B, i cili si pasojë e plagës së marrë ka ndërruar jetë.
Grupi hetimor dhe shërbimet e Policisë ndodhen në vendngjarje dhe vijon puna për sqarimin e plotë të rrethanave të ngjarjes. Veprimet hetimore po kryhen nën drejtimin e Prokurorit, nga SHÇBA dhe strukturat hetimore të DVP Tiranë.
