Më 14 shkurt të këtij viti çifti i njohur Orlando Bloom dhe Katy Perry zyrtarizuan lidhjen e tyre disa vjeçare në fejesë.
Përmes një unaze në formë luleje Perry pranoi propozimin për martesë nga aktori i njohur. Dyshja është diskutuar prej vitesh në media lidhur me ulje-ngritjet e marrëdhënies së tyre, por tashmë për ta flitet vetëm për ceremoninë e martesës, e cila do të ndodhë në fund të këtij viti.
Sipas “People” ceremonia e dasmës pritet të jetë intime dhe e vogël. Këngëtarja është duke u marrë me përgatitjet, por edhe Orlando përfshihet herë pas here.
Me organizimin po merret një kompani që pritet të realizojë gjithë dekorin dhe detajet e tjera. Dëshira e tyre është që gjithçka të mbetet e fshehtë deri në afrimin e ditës kur do të lidhen në martesë./Opinion.al/
