Dy negociatorët gjermanë David McCallister e Knut Fleckenstein mbërrijnë të martën në Tiranë për të zhvilluar një takim fillimisht me Edi Ramën dhe Ilir Metën e më pas me Lulzim Bashën.
Burimet thonë se pas kontakteve të vazhdueshme me palët gjatë këtyre ditëve ata kanë hartuar një draft për marrëveshje me disa pika.
Nëse do të bihet dakord në takimet e veçanta me propozimin ndërkombëtar, McCllister dhe Fleckenstein mund t’i bashkojnë Ramën, Bashën e Metën në një tryezë marrëveshjeje.
Qendrimi i tyre në Tiranë është planifikuar deri deri nesër në orën 19:00, raporton Tv ABC News.
Një ditë përpara mbërritjes së tyre në Tiranë, opozita përshkallëzoi protestat, duke bllokuar për një orë rrugët kombëtare e duke bërë të qartë se nuk ka kthim mbrapa nga kërkesa e saj për qeveri teknike me një mandat të qartë e kohë të mjaftueshme për të organizuar zgjedhje të lira.
