Artan Cuku kishte dalë për kafe me bashkëshorten e teksa kjo e fundit është ngjitur në apartament ai është ndalur në market. Kur ka hyrë në pallat dy persona i bënë pritë duke e qëlluar për vdekje.
Nga hetimet rezulton se njëri nga agresorët priste jashtë dhe tjetri në shkallët e garazhit. Ai ishte i maskuar me një kapele, thanë hetuesit, ndërsa për ndërtimin e identikitit të tij janë bashkangjitur edhe dëshmitë e 11 personave të shoqëruar dhe të pyetur. Por, ajo që mund të ofronte pamje më të sigurta është një kamerë sigurie në hyrje të pallatit, që, pas kqyrjeve, rezulton të jetë jashtë funksionit.
Artan Cuku është përleshur me dy vrasësit. Vrasësi i parë ju shfaq Artan Cukut në shkallët e bodrumit dhe sikurse tregojnë hetuesit, e ka qëlluar atë dy herë. Në tentativë për të shpëtuar, Artani ka thirrur ashensorin e katit të tretë, por sërish vrasësi e ka arritur dhe e ka qëlluar edhe dy herë të tjerë, ku ish-efektivi ndërroi jetë në shesh-pushimin e pallatit, në “Rrugën e kosovarëve”.
Bashkëshortja ka dëgjuar krismat dhe ka zbritur poshtë duke gjetur të shoqin në momentet e fundit të jetës. Gjithashtu edhe administratorja e pallatit ka parë autorin dhe e ka pyetur se çfarë po pret? Ai është përgjigjur: Po pres çelesin…
11 persona janë shoqëruar në polici për tu marrë në pyetje, njëri prej tyre po mbahet në vëzhgim pasi dyshohet se mund të jetë njëri nga autorët.
Artan Cuku, 42 vjeç, baba i dy fëmijëve, i shërbeu Policisë së Shtetit për 16 vjet, në detyra që nisin nga shef krimesh e deri zv/drejtor policie në Tiranë e drejtor i Policisë së Vlorës. Në vitin 2013, Artan Cuku u lirua nga detyra dhe pas tre viteve pa punë, së bashku me të afërmit ishte angazhuar si administrator i një shoqërie policore private që siguronte disa objekte edhe jashtë Tiranës.
