Njëmbëdhjetë ditë pas rrëmbimit të 49-vjeçarin Jan Prenga, policia ka bardhur gjithë ngjarjen. Sipas njoftimit zyrtar 49-vjeçari ka humbur jetën, si pasojë e goditjeve të marra gjatë rrëmbimit në Kamzë dhe humbjes së gjakut. Ai ka vdekur vdekjen gjatë rrugës për ta transportuar për në një resort (resortin Golden në Shijak), aty ku do mbahej peng.
Lidhur me këtë ngjarje janë arrestuar katër persona: Leonard Hajri, Olsi Turja, Elton Hajri dhe Bajram Hajri. Nga hetimet ka rezultuar se Jan Prenga u rrëmbyer pas konflikteve të drogës të vëllait të tij me vëllezërit Hajri në Angli.
Në kërkim në lidhje me këtë ngjarje vijon të jetë Altin Hajri. Gjatë kontrolleve të policisë në banesat e personave të arrestuar policia ka gjetur 2 armë zjarri pistoleta, një sasi municioni, 16 aparate celular, 4 automjete dhe një shumë eurosh.
Hetimet
Nga veprimet e thelluara hetimore ka rezultuar se personat, pas rrëmbimit të Jan Prengës, kanë shkuar direkt në resortin në pronësi të Altin Hajrit. Po nga veprimet hetimore rezulton se personi i rrëmbyer, si pasojë e goditjeve të marra në Kamzë dhe humbjes së gjakut, ka vdekur vdekjen gjatë rrugës për ta transportuar për në resort, aty ku do mbahej peng. Rrëmbyesit janë kujdesur për ta fshehur trupin e Prengës ndërkohë që forcat policore vijojnë kërkimet në zonën e Shijakut, për gjetjen e trupit. Ky rrëmbim ka ardhur si pasojë e një konflikti që një nga vëllezërit e viktimës ka pasur me organizatoret dhe rrëmbyesit, si pasojë e disa konflikteve kriminale në Britaninë e Madhe./Opinion.al
