Të tjera detaje janë zbuluar nga hetimet për vrasjen e 42-vjeçarit Shkëlzen Kastrati në mëngjesin e 1 shkurtit në Fier.
Sipas ekspertizës balistike të armës automatike “Scorpion” me silenciator e gjetur në makinën “Range Rover” që dogjën autorët e vrasjes, nuk kishte numrin unik identifikues.
Sipas autoriteteve, ky fakt tregon se krimi është bërë nga profesionist dhe i mirëorganizuar. Po ashtu, bëhet me dije se në armën që përdorën autorët për të ekzekutuar Kastratin, nuk janë gjetur gjurma gishtash, gjë e cila do të bënte të mundur identifikimin e autorëve.
Një nga provat që mund ti vijë në ndihmë grupit hetimor, është përgjigja e ADN për disa sende, fije flokësh e mbetje biologjike që janë sekuestruar në makinën “Audi”, i cili gjet në Kamzë.
Targa e tij është fiksuar nga kamerat e sigurisë në Fier, që për hetuesit është pikërisht makina me të cilët autorët u larguan pasi dogjën “Range Rover-in”. Kjo makinë, rezultoi e vjedhur në Greqi disa muaj më parë.
Sipas “Abc Neës”, automjeti është futur në territorin shqiptar me targa dhe dokumentacion të rregullt, para se të denoncohej e vjedhur në vendin fqinj.
Një nga pistat të cilat po hetohet nga autoritete është hakmarrja, pasi dyshohet se Shkëlzen Kastratit është pjesë e një prej dy grupeve që janë përfshirë në konflikte që në vitin 1994, vit në të cilin Kastratit i është ekzekutuar kushëriri.
Shkëlzen Kastratit u ekzekutua me armë zjarri, teksa udhëtonte me mjetin tip “Benz”, e cila nuk rezulton e regjistruar në emër të tij./ Opinion.al
