Detaje të reja janë zbuluar në lidhje me abuzimin seksual me 15 vjecaren në Babrru të Tiranës. Mësohet se 65-vjeçari Abaz Doku ka nisur të ngacmojë të miturën 1 vit më parë kur ajo ishte në klasën e 8-të. Sipas informacioneve, roja i shkollës është hequr nga puna, por ai ka vijuar përndjekjen e vajzës e ka bërë në lagje.
65-vjeçari e shantazhonte vajzën duke i thënë se ia dinte historitë intime që ajo ka pasur në shkollë dhe në një rast ka shkruar pranë banesës së saj në mur “S….. kur*a”. Pas shantazheve, 15-vjeçarja është dorëzuar dhe ka kryer marrëdhënie seksuale me 65-vjecarin në një banesë që ai kishte nën kujdes.
Abaz Doku ka filmuar gjithçka me celularin e tij dhe më pas ua ka shpërndarë përmes rrjeteve sociale një 20-vjeçari që e ka fqinj. Ndërkohë, aparatet celulare të 65 vjecarit dhe 20 vjecarit janë sekuestruar nga policia në cilësine e provës materiale.
Fillimisht është bërë shoqërimi i 65 vjecarit, ku është pyetur për ngjarjen e më pas është bërë dhe shoqërimi i 3 të dyshuarve të tjerë. Sipas përgjimit ambiental në komisariat, 65 vjecari e ka pranuar krimin e rëndë, ndërsa edhe për 20-vjecarin ka prova të abuzimit me të miturën.
Ndërsa, dy të arrestuarit e tjerë, përkatësisht 16 dhe 15 vjeç kanë deklaruar se nuk kanë abuzuar seksualisht, por e kanë vënë vajzën në dijeni për ekzistencën e videos intime. Po ashtu, ata kanë pohuar se janë miq me vëllain e vajzës së abuzuar seksualisht. Aktualisht, 15-vjeçarja është në gjendje të rëndë psikologjike, por ka arritur të rrëfejë të gjithë ngjarjen tronditëse./ Opinion.al
