Tragjedia e ndodhur ditën e sotme në pistën e skiimit në Brezovicë, ku një ortek dëbore i mori jetën zv/ministrit kosovar, Arian Daci, ka detyruar Agjencinë e Mbrojtjes së Mjedisit në Kosovë që të marrë vendimin për ta mbyllur përkohësisht këtë qendër skiimi.
Lajmin e ka dhënë Ilir Morina, drejtor i Agjencisë në fjalë, i cili ka bërë të ditur se qendra do të mbyllet për të paktën dy ditë.
“E gjithë qendra do të mbyllet për dy ditë si pasojë e ngjarjes dhe hetimeve që do të zhvillohen për rastin. Agjencia e Mjedisit ka paralajmëruar mbrëmë se gjendja është shumë e vështirë si pasojë e reshjeve shumë të mëdha dhe s’ka qenë e mundur të pastrohen as rrugët e as pista në Qendër”, tha Morina.
Më tej Morina informoi se çfarë ka ndodhur në momentin e aksidentit që i mori jetën zv/ministrit Daci,
“Kanë qenë dy orteqe. Njëri nga këto orteqe zuri dy persona. Si pasojë, fatkeqësisht Daci mbeti pa shenja jete”.
Vetëm pak çaste më parë, mediat kosovare raportojnë se trupi i të ndjerit është përcjellë me motoski nga ambulanca ku qëndroi deri tani, për në mjekëinë ligjore ku di ti nënshtrohet autopsisë.
