Detaje të reja kanë dalë lidhur me vrasjen e 47-vjeçarit Kastriot Reçi të ndodhur gjatë ditës së djeshme në Rrëshen.
Ish-bashkëpronari i televizionit “Media Plus” në Lezhë është qëlluar me snajper në zemër nga një distancë prej 150 metrash.
Në momentin e ekzekutimit 47-vjeçari nuk ka qenë i vetëm, por i shoqëruar prej nga vëllezërit e tij. Reçi i kishte kufizuar shumë lëvizjet, pasi i druhej një atentati që pas vrasjes së vëllait të tij, Gasper Reçi rreth 2 vite më parë.
Ekzekutuesit kanë ruajtur prej kohësh lëvizjet e Reçit dhe duket se kanë përfituar nga i vetmi çast kur ai ishte vetëm.
47-vjeçari sapo kishte parkuar makinën e tij dhe po i drejtohej lokalit(vendit ku u ekzekutua) ndërkohë që vëllai i tij kishte hyrë brenda vetëm pak minuta më herët.
Sa i përket vrasësve bëhet e ditur se e kanë realizuar ekzekutimin në katin e fundit të një pallati, vend i cili ishte i pabanuar prej kohësh.
Dera e kësaj banese është hapur me forcë dhe personi që ka qëlluar me snajper ka qëndruar aty deri është kryer vrasja.
Mësohet se kamerat e sigurisë në qytet janë sekuestruar, por ende nuk ka detaje të publikuara rreth tyre.
Policia ka realizuar disa shoqërime lidhur me këtë ngjarje por deri tani nuk ka asnjë të ndaluar si autor i dyshuar për krimin e ndodhur një ditë më parë./Opinion.al/
