20 – plumba janë gjetur në trupin e Ervin Dalipajt, ish – shefi e krimeve që u ekzekutua këtë të martë në Sukth, së bashku me Xhino Dautajn. Burime për tvklan.al bëjnë të ditur se në vendin e ngjarjes policia ka sekuestruar 50 gëzhoja. P
jesa më e madhe e plumbave mësohet të kenë kapur pikërisht Dalipajn, që e kanë prekur në fytyrë duke e shpërfytyruar, në kraharor e shpatull.
Në momentin e ekzekutimit, dy viktimat udhëtonin me një automjet Audi, që drejtohej nga Dalipaj. Ky i fundit dyshohet të ketë qenë edhe objektivi i atentatorëve.
Sipas dëshmitarëve, autorët udhëtonin me një Mercedez Benz të zi dhe pasi qëlluan me breshëri automatiku në drejtim të viktimave u larguan me shpejtësi nga vendi i ngjarjes. Ndërkohë policia njoftoi gjatë pasdites se deri në këto momente janë shoqëruar 12 persona, me qëllim zbardhjen dhe zbulimin e plotë të ngjarjes.
