Historia e vajzës 17-vjeçare nga Saranda e cila ka akuzuar për abuzim seksual tre persona ka tronditur opinionin publik. Ajo që e bën edhe më të rëndë këtë ngjarje është se ajo është zhvilluar për 6 vite me radhë.
Sipas dosjes së prokurorisë të siguruar nga Abc News, vajza është abuzuar që në moshën 9-vjeçare nga Bajram Tusha. Ky thuhet në dosje se ndërsa ka pasur edhe një marrëdhënie krushqie me familjen e vajzës.
Në rrëfimin e saj e mitura pohon se është abuzuar seksualisht në banesën e Bajram Tushës në fshatin Metoq. Ajo ka rrëfyer se Tusha e ka detyruar vazhdimisht të kryejë marrëdhënie seksuale në shtëpinë e tij dhe në të sajën, ndërsa kjo histori ka zgjatur deri kur ajo mbushi moshën 15-vjeçare.
“Tusha e ka prekur disa herë në pjesë të ndryshme të trupit. Pasi ajo e ka kundërshtuar ai e ka goditur dhe me pëllëmbë. Por një ditë ai arriti përmes dhunës të abuzonte me të miturën në dhomën e gjumit të saj, gjatë kohës që jetonin me qira në shtëpinë e Bajram Tushës. Ai i tha mos i thuaj njeriu, se do ta vriste. Kjo ka ndodhur dhe herë të tjera, madje dhe kur u larguan nga shtëpia e tij, pasi familja e saj shkoi të banonte në banesën e vajzës së 72 vjeçarit”, thuhet në dosjen e prokurorisë.
17-vjeçarja flet gjithashtu në dëshminë e saj për dy persona të tjerë që kanë abuzuar me të, të dy të njohur të familjes. Para një viti ka abuzuar me të një 63-vjeçar nga fshati Shelegar, ndërsa i dyti është 54 vjeçar që banon në fshatin Gjashtë të Sarandës.
Në dosje citohet konkretisht: “Në përfundim vajza ka deklaruar se këtë ngjarje nuk do ta kishte deklaruar për shkak të frikës, por pasi ka njohur të dashurin e saj, ai e ka bindur që të denonconte këtë ngjarje”.
Për këtë ngjarje është pyetur edhe mësuesja e 17-vjeçares e cila pohon se ajo ka qenë objekt i bullizmit në klasë kryesisht nga djemtë që vinin nga fshati i saj, Gjashtë. Arsyen konkrete se përse ata e ngacmonin ajo nuk e ka ditur dhe kur kur ka pyetur 17-vjeçaren, nuk i ka dhënë shpjegime.
Mësuesja thotë se i akuzuari Bajram Tusha vinte shpesh me të atin e vajzës në shkollë dhe madje është zënë me një nxënës që ngacmoi 17-vjeçaren.
Në dosje thuhet se: “Bajram Tusha i ka pranuar pjesërisht të dhënat e pretenduara nga kallëzuesja”.
Ndërkohë për këtë ngjarje të rëndë janë pyetur edhe persona të tjerë, duke përfshirë edhe prindërit e vajzës. Po ashtu në dosjen e prokurorisë thuhet se është bërë edhe një përgjim ambiental, ku janë siguruar prova që çoi në arrestimin e 74-vjeçarit. /Opinion.al
