Janë zbuluar të tjera detaje nga sulmi vdekjeprurës me armë që ndodhi mesditën e sotme në qytetin e Kizlyer në Republikën e Dagestanit.
Sipas Russia Today, viktimat janë katër gra.
Njerëzit festonin fundin e festivalit rus të Maslenitsa, që shënon fillimin e Kreshmës për të krishterët ortodoksë në Rusi.
Një dëshmitare okular, tha se ngjarja ndodhi pikërisht përpara një kishe të krishterë.
“Kishte shumë njerëz aty, nëna me fëmijë të vegjël, njerëz të moshuar. Unë besoj se Perëndia na shpëtoi, duke mos lejuar që ky njeri të hyjë brenda kishës “, tha dëshmitarja.
Ajo shtoi se agresori u vra ndërsa po përpiqej të ikte nga skena.
Russia Today gjithashtu raporton duke thënë se njeriu i armatosur kishte një bashkëpunëtor një femër që iku para fillimit të shtënave.
