Mikel Shallari, vrasësi i Artan Cukut nuk pranon të bashkëpunojë me drejtësinë për të treguar emrin e personit që e porositi për ekzekutimin e ish-drejtorit të Policisë.
Gjatë paradites së sotme në media u aludua se porositësit mund të jenë vëllezërit Daka nga Tropoja vëllai i të cilëve u vetëvra në zyrën e Çukut 12 vite më parë. Por duket se e gjitha kjo ka qenë një informacion i pavertetë ose i shpërndarë nga policia qëllimisht për të devijuar vëmendjen e publikut apo personave të tjerë që kanë interes në ngjarje.
Televizioni ABC NEWS raporton se ndaj familjes Daka është ushtruar kontroll nga policia, madje janë sekuestruar edhe telefonat por ndaj tyre deri më tani nuk ka urdhër-ndalimi.
Janë dy persona të tjerë të dyshuar si porositës të vrasjes së Cukut që aktualisht nuk bëhen të ditur nga prokuroria për shkak se mund të prishet hetimi.
Mikel Shallari 24 vjeç nga Kuçova dhe me banim në Qytetin Studenti është arrestuar dy ditë më parë në Tiranë, pranë “Pallatit me Shigjeta”. Ai ka mohuar akuzën e vrasjes, por grupi hetimor thotë se ka prova të pakontestueshme qe vertetojnë se ai është ekzekutori. Tani pritet të arrestohen porositësit e vrasjes së ish-zyrtarit të lartë të policisë, Cuku që u vra në hyrjen e pallatit të tij më 8 prill të këtij viti. /Opinion.al
