Ali dhe Jenije Nika, 75 vjeç nga Xhafzotaj e Durrësit janë dy viktimat e mëngjesit të sotëm. Burime nga policia thanë se ata i vrau djali i tyre, që dyshohet të ketë probleme të shëndetit mendor.
Ngjarja ka ndodhur në orët e parë të mëngjesit. Burrë e grua janë gjetur pajetë në banesën e tyre. Autori i krimit, Leo Nika, ka qëlluar me çifte mbi nënën dhe babanë duke i lënë të vdekur në vend. Policia e ka vënë në pranga autorin dhe po punon për zbardhjen e rrethanave të ngjarjes, duke pyetur edhe familjarët dhe të njohurit e familjes fatkeqe. /Opinion.al
