Janë zbardhur detaje të reja në lidhje me grabitjen e ndodhur në aeroportin e Rinasit më 9 prill.
Grupi hetimor i cili po punon për çështjen ka zbuluar rolin që ka luajtur Hasan Kanaçi i cili ditën e grabitjes së miliona eurove ka qenë shef i kargos në aeroportin e Rinasit.
Mësohet se ditën kur ka ndodhur grabitja ai ka ndryshuar radhën e ngarkesës.
Sipas procedurës duhet që vlerat monetare të futen në fund dhe të mbyllet direkt më pas dera e avionit, por nga pamjet ka rezultuar se fillimisht janë futur disa valixhe të qytetarëve, janë futur thasë me para dhe dera ka qëndruar e hapur, pasi afrohet një tjetër ngarkesë me valixhe qytetarësh.
Kanaçi merrej me ngarkimin e valixheve në avion dhe dyshohet se ai i ka dhënë informacion bandës së grabitjes. Të përfshirë në supergrabitje dyshohet të jenë edhe persona të tjerë që punonin në aeroport.
Ndërkohë, Kanaçi ka mohuar të ketë lidhje me grabitjen. dhe ka pretenduar se shumë mbi 100 mijë euro e gjetur nga policia në banesën e tij, nuk janë të bankave që u vodhën në aeroport.
Ai është i arrestuari i 7 për grabitjen e Rinasit te mbi 6 milionë eurove në aeroportin e Rinasit. Ai u arrestua pak ditë më parë dhe ndodhet nën masen e sigurise arrest me burg.
Përveç Kanaçit, të arrestuar janë dhe Renaldo Sula, Sajmir Çela, Alkond Bengasi, Oltion Veseli, Elton Pikli dhe Ragip Hajdini. Ndërsa në kërkim zyrtarisht për grabitjen janë dy vëllezërit Eldi dhe Klement Çala si edhe Talo Çela.
Kujtojmë që ditën e grabitjes, gjatë shkëmbimit të zjarrit më policinë mbeti i vrarë, Admir Murataj, i cili dyshohetishte dhe koka e grupit./ Opinion.al E.Xh.
