Qeveria e kryesuar nga Niko Peleshi, në mungesë të Kryeministrit që ndodhej në Shkodër vendosi sot të dëmshpërblejë banorët e Zharrëz në masën 100 për qind për dëmet që kanë pësuar banesat e tyre. Këto dëme me shumë gjasa janë shkaktuar nga shpimet për naftë të Bankers Petrolium, por do të paguhen nga buxheti shtetit.
Opinion.al ka mësuar se brenda pak ditësh do të dëmshpërblehen 70 familje që kanë dëmet më të mëdha. Të gjitha paratë do të dalin nga buxheti i shtetit, pra nga taksat e shqiptarëve. Zyrtarët e pyetur se sa është kjo faturë nuk pranojnë të japin shifra.
Ndërsa pyetjes se çfarë do të bëhet me 438 banesat e tjera të dëmtuara, një zyrtar i Qeverisë tha se do të pritet raporti i ekspertit ndërkombëtar. “Eksperti do të përcaktojë fajtorin e lëkundjeve”, tha zyrtari që preferoi të mos publikonte emrin.
Sipas tij, nëse del fajtor Bankers Petrolium do të paguajë faturën e parë dhe të dytën. Pra do të paguajë dëmin total për 508 familje, në të kundërt të gjitha këto para do të lëvrohen nga buxheti i shtetit.
Eksperti ndërkombëtar sapo është caktuar në bazë të një marrëveshje mes qeverise dhe Bankers. Koha përfundimtare e përcaktimit të dëmeve mbetet e pacaktuar. /Opinion.al
*vendimi i qeverise
