Aktorja e njohur Pamela Anderson deklaroi pak ditë më parë ndarjen nga i dashuri i saj Adil Rami, pasi ky i fundit sipas saj e tradhtonte.
Megjithatë ai pas këtyre akuzave u shpreh në një postim se nuk e kishte tradhtuar aktoren. Mesa duket lufta e tyre në rrjete sociale nuk ka përfunduar.
Anderson publikoi disa emaile të shkëmbyera me ish-partneren e tij, Sidonie Biemont, e cila është dhe mamaja e dy fëmijëve të futbollistit.
“Ata duhet të më vënë në gjumë që të më bëjnë gjilpërat…duart e mia po bëheshin më mirë…por ai më lëndoi sërish kur ishim në hotel. Kur u acarua me mua se e pyeta pse duhet të rrija në dhomë dhe të bëja gati rrobat ndërkohë që ai ishte tek eventi i hotelit me familjet e “lojtarëve”(që tradhëtojnë).”– shkruante Pamela asokohe.
Ajo tregonte sesi Rami i kishte thyer të dyja duart dhe e kishte rrotulluar duke e kapur prej flokësh, gjatë një zënke mes tyre verën që lamë pas.
Aktorja e ka nisur komunikimin me ish-partneren e tij për t’i ofruar mbështetje, ndërkohë që ajo i tregoi se kishte ende marrëdhënie seksuale me futbollistin Rami.
Ish-partnerja e futbollistit i ka thënë aktores se ai ishte shprehur se lidhja me Anderson ishte thjesht për publicitet. Gjithashtu, Rami kishte gënjyer teksa thoshte që ishin vetëm miq dhe nuk jetonte me Pamelën.
“Më vjen shumë keq. Kam më shumë se 2 vjet që jetoj me të. Asnjëherë nuk kam takuar një burrë si ai. Që jeton jetë të shumëfishtë. Jam e shokuar. Më vjen shumë keq për ty dhe djemtë e tu. Unë po e lë. Për mirë këtë herë. Nuk mund ta përballoj më. Kam provuar 10 herë që ta lë, por ai gjithnjë më gjen dhe më përgjërohet të kthehem.”- ishte dhe përgjigja e aktores. Nuk dihet sesi do të reagojë futbollisti pas këtyre postimeve të aktores./Opinion.al/
