Një grua rreth të 50-tave është gjetur e plagosur në banesën e saj në lagjen numër 14 në Shkozet të Durrësit.
Rufajete Azisolli është gjetur e plagosur me armë zjarri në kokë dhe është nisur drejt Spitalit të Traumës pasi gjendja e saj është e rëndë.
Ndërkohë, policia konfirmon se gruaja është vetplagosur. Sipas autoriteteve, 50-vjeçarja ka qenë vetëm në dhomë ku ka marrë armën dhe ka qëlluar vetën në kokë, ndërsa në dhomën tjetër të banesës ndodheshin dhe fëmijët e saj.
Sipas familjarëve, e plagosura, prej disa kohësh vuante nga problemet psikologjike.
Njoftimi i policisë:
Më datë 31.08.2019, në lagjen Nr. 14, Durrës, në banesë ka tentuar të vrasë veten me armë zjarri, shtetasja R.H., 61 vjeçe, e cila ndodhet në Spitalin e Traumës nëTiranë nën kujdesin e mjekëve.
Grupi hetimor po punon për sqarimin e rrethanave të ngjarjes./ Opinion.al E.Xh.
