Detaje të reja kanë dalë në dritë për shpërthimin e ndodhur sot në Bashkinë e Lushnjës.
Nga informacionet e para mësohet se ngjarja e rëndë ka ndodhur në orën 09:00 të mëngjesit kur kryebashkiaku Fatos Tushe është futur si zakonisht në zyrë. Ish-shoferi i tij, Gëzim Saraçi e ka ndjekur nga pas dhe ka hedhur lëndën plasëse, të dyshuar si granatë.
Nga shpërthimi është plagosur kryebashkiaku Tushe dhe sekretarja e tij, Erisa Qalliu, për të cilët raportohet se ndodhen jashtë rrezikut për jetën por kanë marrë plagë të konsiderueshme.
Policia ka ngritur postblloqe në të gjithë hyrjet dhe daljet e qytetit për kapjen e Saraçit, ndërkohë mësohet se drejt Lushnjës është nisur me urgjencë dhe drejtori i Policisë së Shtetit, Ardi Veliu./Opinion.al
