Detaje të reja kanë dalë nga ngjarja e rëndë që ndodhi në një lokal nate në Prizen, ku pas një sherri mbeti i vrarë 31-vjeçari nga Kuksi, Visart Cengu.
Mësohet se ka mbetur i plagosur 27-vjeçari Rufgen Shehu, i cili ndodhet jashtë rrezikut për jetën.
Pas sherrit në Prizren të rinjtë kanë hyrë në Pikën kufitare të Morinës në drejtim të spitalit të Kukësit, me një automjet të drejtuar nga Arben Basha. Fatkeqësisht Visart Cengu nuk arritit t’iu mbijetojë plagëve të marra.
Sakaq, drejtuesi i mjetit Arben Basha dhe Rufgen Shehu kanë deklaruar në Morinë te Policia Kufitare dhe më pas te grupi hetimor se dyshojnë se i ka qëlluar pronari i lokalit të natës “Kobra” në Prizren në momentin që po largoheshin me automjet.
Konflikti ishte i çastit, fillimisht fizik në lokal, më pas agravoi në të shtëna me armë. Shehu ka marrë një plumb në këmbë duke i prekur kockën e gjurit. Pas ndihmës së parë mjekësore në urgjencën e Spitalit të Kukësit, ai është transportuar në Tiranë për ndihmë më të specializuar.
Ndërsa viktima është dërguar në morgun e Tiranës për t’iu nënshtruar autopsisë.
