Kronikë

Detaje nga vdekja e 4 turistëve rusë, gjatë ditës kishin udhëtuar drejt RMV


Bëhu pjesë e Grupit Zyrtar të Opinion.al
>> KËTU <<
               Publikuar në : 11:59 - 16/10/21 |
Opi Nion

Autoritetet vijojnë hetimet për të përcaktuar saktësisht shkakun e vdekjes së 4 turistëve rusë në një hotel në Kavajë.

Çifti Burenkova, vajza e tyre e bashkëshorti i saj kishin mbërritur në Shqipëri të dielën e javës së shkuar përmes një agjencie turistike.

Gazetarja Klodiana Lala raporton se gjatë ditës ata kishin udhëtuar drejt Maqedonisë, dhe pas drekës në Ohër dhe më pas ishin kthyer sërish në hotelin ku po qëndronin.

Deri më tani, sipas autoriteteve katër turistët mund të kenë humbur jetën nga asfiksia, por nuk përjashtohet dhe mundësia që ata të kenë qënë nën efektin e alkoolit, për ndonjë helmim të mundshëm të tyre, apo konsumim të lëndëve psikotrope.

Nataliia Burenkova, 58 vjeçe,Sergei Burenkova, 60 vjeç, Ekaterina Burenkova, 31 vjeçe dhe Nikita Belousov, 37 vjeç u gjetën mbrëmjen e së premtes pa shenja jete në sauna nga stafi i hotelit.

Një nga punonjëset e stafit të hotelit ka rrëfyer para prokurorëve se ka shkuar në zonën e saunës dhe ka thirr disa herë turistët, por nuk ka marrë asnjë përgjigje. Pasi janë konstatuar të pajetë katër turistët, është njoftuar policia e cila ende po kryen verifikimet për të bërë zbardhjen e plotë të rrethanave të vdekjes së tyre./ Opinion.al

Pas